التخطي إلى المحتوى الرئيسي

انا معنديش مشكلة معاك يا عم .. انت المشكلة .!!

انا معنديش مشكلة معاك يا عم .. انت المشكلة .!!

اصبح الوضع فى مصر الأن كثيرا معقد لدرجة انك لن تعرف اين الحقيقة اذا حاولت فالكل يؤيد ويعارض وبالادلة و الصور و الفيديو و المستندات .. انها مصر .. لن تعرف فيها حقيقة واضحه مهما حاولت .. ولكن المشكلة فى تزيف الحقيقة ومحاولة اقتناع واقناع الغير بشىء كاذب او غير موجود وقبول الشىئ وعكسه فى نفس الوقت دون وجود اى مبدأ واضح وظاهر لمن تناقشهم .

 ولانى كثيرا ما اناقش اصدقائى من المؤيدين للأخوان نصل دائما الى طريق مسدود بسبب ما اجده منهم من تعنت و عدم قبول الرأى الاخر و لعدم وجود لديهم مبدأ ثابت و واضح لكى اتناقش معهم .. بس فى الاخر

أنا معنديش مشكلة

  • انا معنديش مشكلة انك توصف خطاب السيسي بالتحريضي بس عندي مشكلة انك تنكر ان كل خطابات الاخوان وحلفاءهم التحريضية.
  • انا معنديش مشكلة انك تقول على طنطاوى خيان وعميل وفلول بس عندى مشكلة اما تقول على السيسى خاين وعميل لاسرئيل رغم انك انت الى جبته و انت الى قلت عليه " وزير بنكهة الثورة ".
  • معنديش مشكلة انك تقول على الثورة دى انقلاب عسكرى وحكم عسكر بس عندى مشكلة انك تنكر الملايين الذين وقعوا لتمرد و الملاييييين التى نزلت يوم 30 - 6 وتقول عليهم فوتوشوب .
  • معنديش مشكة انك تقول على الذين يشمتون فى قتلى الاخوان انهم بلا ضمير وبلا انسانيه وبلا قلب وانك تكفرهم حتى . بس مشكلتى ان الضمير والانسانية دى فقط لقتلى الاخوان دون قتلى المعارضيين لكم وقتلى الجيش و الشرطه .
  • معنديش مشكله انك تستنجد بالغرب الامريكى و الدول الاوربية الكافره الفاسقه الداعره ضد بلدك وعلشان مصلحتك .. بس مشكلتى ان غيرك من المعارضيين اما حاولوا يعملوا الى انت بتعمله ويتصلوا بالغرب الامريكى قلت عليهم " خونه وعملاء " و " كلاب امريكا وممولين من الغرب " .
  • انا معنديش مشكلة انك تقول على السيسى خاين وعميل لأسرئيل لمجرد سماعك تعليق من وزير الدفاع الأسرئيلى عن السيسى .. بس عندى مشكلة انك تشوف رسالة مرسى لرئيس اسرئيل بيقله " صديقك المخلص والمخلص  " ومتعلقش .
  • معنديش مشكلة انك تشتم وزيرة الداخليه وتكدبه او تقول عليه الى انت عاوزه اما قال " ان رجال الشرطه لم توجه رصاصه واحدة فى صدر مواطن " . بس عندى مشكلة اما كنتوا فى مجلس الشعب وفى احداث محمد محمود يقف رئيس مجلس الشعب الكتاتنى باشا يقول " ان وزير الداخليه قالى ان الشرطة مستخدمتش الرصاص ولا الخرطوش " واما وقف الدكتور محمد ابو حامد ومعاه الخرطوش نواب الاخوان اتهجموا عليه وكانوا هيضربوه .
  • معنديش مشكلة انك تقول على ان خطاب السيسى الى طلب بيه تفويض لمحاربة الارهاب انه تحريض على قتل الاخوان وعلى تدمير البلد وخرابها . بس عندى مشكلة ام سيتك تدعوا امريكا و الغرب للتدخل لعودة مرسى . ولا كانوا بيدعوهم ليه لامؤاخذه 
  • معنديش مشكلة انك تهاجم الاعلام المصرى على تغطيته للاحداث وتقول انه بيحرض وبيزيف الحقائق و انه اعلام الفلوس وانه سبب فى قتل الاخوان وانه بينشر فيديوهات وصور كاذبه . بس مشكلتى انك تشوف نفس الكلام ده على القنوات الى بتؤيدك ومتتكلمش ولا تعلق وتعتبره امر عادى وتصدقه كمان .
  • ومعنديش مشكلة انك تقول ان عدلي منصور طرطور والسيسي اللي ممشيه بس عندي مشكلة انك تطالب بعودة "مرسي" اللي سبحان الله كان مكتب الارشاد ممشيه، علي اساس ان عدلي منصور ده طرطور و مرسي ده الوينج اليمين في بترول اسيوط.
  • معنديش مشكلة انه يكون "الدم كله حرام" بس عندي مشكلة لما الجملة دي تطلع بعد سقوط ضحايا من الاخوان بس علي اساس ان اللي بيسيل من الاخوان دم واللي بيسيل من اي شخص تاني ده بلح باللبن .
  • معنديش مشكلة فى ان القتل حرام . بس عندى مشكلة فى ان الناس الى اتقتلت امام مقر الاخوان كان دفاع عن النفس والملكية العامة و الناس الى ماتت امام الحرس الجمهورى شهداء ولازم محاكمة الجيش على دفاعه عن الوحده العسكرية .
  • معنديش مشكلة في اعتراضك علي "تفويض السيسي" في مواجهة "الارهابيين" بس عندي مشكلة مع "كلنا مع القرار" و "اضرب بيد من حديد يا ريس" لما كانت في مواجهة "المعارضين" مش حتي الارهابيين.
  • معنديش مشكلة ان قطع الطرق بقي انهاردة حق ليك كا متظاهر سلمي بس عندي مشكلة انه من شهر واحد بس كان بلطجة ويجب التعامل معاه بكل حسم وقوة.
  • معنديش مشكلة انك تتضايق من تهليل الناس للسيسي بعد "خطابة التحريضي" -علي حد كلامك- بس عندي مشكلة ان تهليلك انت للشيوخ اللي استباحوا دم الناس اللي نازلة يوم 30 ومباركة رئيسك للكلام ده يبقي عادي.
  • معنديش اي مشكلة انك تشل البلد كلها بكل المصالح والطرق اللي فيها وتهدد بالتصعيد لعصيان مدني بس عندي مشكلة مع "شغلونا مكانهم" "ونشتغل وقت زيادة " وقت ما كنت بتقسم التورتة مع العسكر والناس بتموت.
  • انا معنديش مشكلة انك تقول على السيسى خائن القسم وخان رئيسه بس عندى مشكلة انك تنكر ان مرسى خان شعب بأكمله عندما حنث عن القسم الدستورى الذى قسمه امام الشعب و لم ينفذ ما وعده هو نفسه به فى ال100 يوم و كذلك السنه .
  • معنديش مشكلة انك تصدق تقرير الجزيرة ان الى نزلوا يوم 30 - 6 كانوا 800 الف منهم 500 الف فى ميدان التحرير .. بس عندى مشكلة فى ان نفس القناة ونفس المذيع ونفس المكان كان بيشيل 5 و 10 مليون فى ثورة يناير لخلع مبارك .
  • معنديش مشكلة انكم تسنتجدوا بينا مع ان اول ناس بعتوهم كانوا احنا .. معنديش مشكلة في ازدواجيتك وكذبك وتبريرك وتدليسك اطلاقا ..
انا

معنديش مشكلة معاك

 يا عم  ... انت المشكلة

المشاركات الشائعة من هذه المدونة

احصل على قناع شبه حقيقي لوجه من تريد !!

احصل على قناع شبه حقيقي لوجه من تريد !!
كل ما تحتاجه هو 300 دولار وصورتين من الأمام والجانب لوجه الشخص الذي تريد التنكر بشكله، وسوف تحصل على قناع شبه حقيقي للوجه الذي تريد . نعم فهذا ما يقدمه موقع ThatsMyFace.com المتخصص في صناعة الأقنعة البشرية الغير تقليدية كما ستشاهدون في هذا الفيديو



ويمكنكم معرفة المزيد من خلال زيارة الموقع نفسه:  ThatsMyFace.com

أيام زمان 😊

تلفزيون📺 والعشاء خفيف🍶
والمروحه علي 5 وقاعد تحل واجب الخط📜  كانت حياه جميله. -
معاني الكلمات :
_________________________
     الكلمة.       |        معناهَـَـآآ
     ___________________
                    |               
                    |               
                    |               
                    |               
                    |               

ذكراياتنا واحنا صغيرين👶
👈 كل مانشوف طياره✈ نقعد نصرخ ونعمل لهم باي باي 👋
👈كنا نستنى سنة رابعة ابتدائي عشان نكتب بالحبر ✒
👈تسألك أمك الساعة كام؟🕓 تقولها الكبير على أربعة4⃣ والصغير على ستة6⃣
ولما امك تزعلك عشان اكلت القطة 🐱من الطبق اللي بناكل فيه🍵
👈نحس بإنجاز وفرح وحاجة عظيمة إذا الشمس طلعت واحنا لسة مانمناش😴
👈 نستنى الامتحانات📝 عشان ما ناخدش شنطة👝 ونستنى وقت الشهادة💯 عشان نلبس لبس حلو ونتشيك💅💄💍

👻أكيد عملتوا حاجة منها أو كلها
🌞رسمت الشمس في زاوية الورقة
💟كنت فاكر إن شكل القلب الحقيقي كدة💜
🔦تقفل باب الثلاجة بالراحة بس عشان تعرف امتى تطفي اللمبه 💡
🔋حاولت توازن مفاتيح الكهرباء بين ON و OFF
🍸لما أحد م…

ماذا سيحدث لو اختفى كل البشر فجأة ؟

ماذا سيحدث لو اختفى كل البشر فجأة ؟

هيا بنا لنُحلِّق قليلا في عالم الخيال العلمي ونتخيل ماذا يمكن أن يحدث فى الكون  إذا اختفى البشر فجأة وبدون أي مقدمات من على كوكب الأرض؟